د. عزه الغمري

إحساس بشد خفيف في أول ثواني ممكن يحصل في الأيام الأولى. لكن الألم اللي بيكمّل طول الرضعة، أو الجروح والتشققات، علامة إن في حاجة محتاجة تتظبط، وغالبًا بتكون الالتقام. ما تستحمليش ولا تستنّي.

من أهم العلامات: إنه بيبلّل حفاضات كفاية في اليوم بعد أول أسبوع، ووزنه بيزيد بشكل مناسب، ويبان هادي وراضي بعد أغلب الرضعات. لو قلقانة، الوزن والمتابعة بيطمنوكي أكتر من أي إحساس.

أغلب الأمهات بيقدروا يكفّوا أطفالهم لما الرضاعة تتظبط صح. كتير من حالات "اللبن القليل" بيكون سببها التقام أو عدد رضعات أو تفريغ مش كفاية. في الاستشارة بنعرف السبب الحقيقي ونحط خطة لزيادته.

أيوة، في حالات كتير ينفع، حتى بعد ما الطفل اتعوّد على البيبرونة. الموضوع محتاج خطة وصبر ومتابعة، وكل ما بدأنا بدري كان أسهل.

أحسن وقت هو آخر شهور الحمل. بتعرفي اللي هيحصل في أول ساعة وأول أيام، وأوضاع الرضاعة، وإمتى تطلبي مساعدة. ده بيفرق جدًا في البداية.

بعد الحجز بيوصلك على الإيميل لينك اجتماع خاص بيكي إنتي والدكتورة بس، بميعاد استشارتك. بنتكلم بالفيديو، وممكن أشوف الرضعة نفسها لو حابة، وبعدها بنتابع على واتساب.